தேர்தல் பிரசாரத்தில் சிறைக்கைதிகள்- கெபே

ஜனாதிபதி மஹிந்த ராஜபகஷவின் தேர்தல் பிரசார நடவடிக்கைகளில், சிறைக் கைதிகள் ஈடுபடுத்தப்பட்டுள்ளனர் என்று தேர்தல்கண்காணிப்பு அமைப்புகளில் ஒன்றான கெபே அமைப்பு தெரிவித்தது. 

மாத்தறை, கம்புறுபிட்டியவில் நேற்று ஞாயிற்றுக்கிழமை நடைபெற்ற பிரசாரக் கூட்டத்துக்கான, மேடை நிர்மாணம் மற்றும் அலங்கார பணிகளுக்காக காலி சிறைச்சாலையைச் சேர்ந்த 44 சிறைக் கைதிகள் பயன்படுத்தப்பட்டுள்ளனர் என்றும் இவர்களுக்கு நீலநிற காற்சட்டை அணிவிக்கப்பட்டிருந்ததாகவும் கெபேஅமைப்பு தெரிவித்தது. 

இது தொடர்பில் கெபே அமைப்பு வெளியிட்டுள்ள அறிக்கையில் தெரிவிக்கப்பட்டுள்ளதாவது, 'புனர்வாழ்வு மற்றும் சிறைச்சாலைகள் புனரமைப்பு அமைச்சர் சந்திரசிறி கஜதீர, மாத்தறை மாவட்டத்தை பிரதிநிதித்துவப்படுத்தும் அரசியல்வாதியாவார். அவர், கொமியுனிஸ்ட் கட்சியைச் சேர்ந்த உறுப்பினரே. 

இந்நிலையில், கம்புறுபிட்டியவில் இடம்பெற்ற ஜனாதிபதியின் பிரசாரக் கூட்டத்துக்காக சிறைச்சாலையின் வாத்தியக் குழு, சிறைச்சாலை பஸ், சிறைச்சாலைக்குச் சொந்தமான கொடிக் கம்பங்கள் மற்றும் அலங்காரப் பொருட்கள் என்பன பயன்படுத்தப்பட்டுள்ளன' என்று கெபே வெளியிட்டுள்ள அறிக்கையில் மேலும் தெரிவிக்கப்பட்டுள்ளது. 

23:55