கொழும்பை கலைக்கும் ராஜதந்திரிகளின் விஜயம் எதற்கு?

இந்தவாரம் முழுவதுமாக ஐ.நா, அமெரிக்க,

யப்பான் மற்றும் சுவிஸ் முக்கிய இராஜதந்திரிகளும் கொழும்புக்கு அவசர விஜயம் மேற்கொண்டிருக்கின்றனர்.

கடந்த வாரம் அவசர பயணமாக கொழும்பை வந்தடைந்த இராஜதந்திரிகள் 20ஆம் திகதி அரசின் உயர் அதிகாரிகள் பலரை சந்தித்து ஐ.நா விசாரணைக்குழு மற்றும் அண்மைய நிலவரம் தொடர்பிலும் முக்கிய கலந்துரையாடல்களை நடாத்தியுள்ளனர்.

இலங்கை மனித உரிமை விவகாரங்கள் குறித்து விசாரிப்பதற்கு ஐ.நா. மனித உரிமை பேரவையினால் அமைக்கப்பட்ட விசாரணைக்குழு அடுத்த மாதம் நடுப்பகுதியில் தனது விசாரணைகளை ஆரம்பிக்கவுள்ளது. இந்தக் குழுவின் தலைவராக நியூஸிலாந்தைச் சேர்ந்த முன்னாள் பெண் நீதிபதியான டேம் சில்வியா கார்ட்ரைட் நியமிக்கப்பட்டுள்ள நிலையில் குழுவின் விசேட நிபுணராக பின்லாந்தின் முன்னாள் ஜனாதிபதியும் நோபல் பரிசு பெற்றவருமான மார்ட்டியும் நியமிக்கப்பட்டுள்ளதாக தகவல்கள் வெளியாகியுள்ளன.

இந்த விசாரணைக்குழு தற்போது சம்பவங்கள் தொடர்பிலான ஆவணப்படுத்தல் நடவடிக்கையினை ஆரம்பித்துள்ளது. அடுத்த மாத நடுப்பகுதியில் விசாரணைகளை ஆரம்பிக்கவுள்ள இக் குழுவானது வட அமெரிக்க நாடுகள், ஐரோப்பிய நாடுகள் மற்றும் ஆசிய நாடுகளுக்கு விஜயங்களை மேற்கொண்டு சாட்சியங்களை திரட்டவுள்ளதாகவும் தகவல்கள் வெளியாகியுள்ளன.

விசாரணைக்குழு விசாரணைகளை ஆரம்பிக்க உள்ள நிலையில் இந்தக் குழுவின் விசாரணைகளுக்கு ஒத்துழைக்கப்போவதில்லை என்றும் குழுவினரை நாட்டுக்குள் அனுமதிக்கப்போவதில்லை எனவும் அரசாங்கம் திட்டவட்டமாக அறிவித்துள்ளது. ஐ.நா. மனித உரிமைப் பேரவையில் இலங்கைக்கு எதிரான பிரேரணை கடந்த மார்ச் மாதம் நிறைவேற்றப்பட்டபோதே அதற்கு எதிர்ப்பு தெரிவித்த அரசாங்கம் இந்த விசாரணைக்கு ஒத்துழைக்கப்போவதில்லை என்று அறிவித்திருந்தது.

இந்த விசாரணைக்குழுவிற்கு அரசாங்கம் ஒத்துழைக்க வேண்டுமென்று கனடா, அமெரிக்கா, பிரிட்டன் உட்பட ஐரோப்பிய நாடுகள் கோரிக்கை விடுத்திருந்தன. ஆனாலும் அரசாங்கம் இந்த கோரிக்கைகளையும் நிராகரித்துள்ளது. இந்த நிலையில் ஐக்கிய நாடுகள் சபையின் அரசியல்துறை விவகாரங்களுக்கான உதவிச்செயலாளர் ஒஸ்கார் பெர்னாண்டஸ், அமெரிக்க இராஜாங்கத் திணைக்களத்தின் தெற்காசிய விவகாரங்களுக்கான பிரதி உதவிச் செயலாளர் அத்துல் கேசாபி ஆகியோர் இலங்கைக்கு விஜயம் செய்துள்ளனர்.

இலங்கை வந்திருந்த இவர்கள் கடந்த சில நாட்களாக நாட்டில் தங்கியிருந்து அரசாங்கத் தரப்பினர் மற்றும் எதிர்த்தரப்பினரையும் சந்தித்து பேச்சுவார்த்தையினை நடத்தியுள்ளனர்.

அமைச்சர்களான பஷில் ராஜபக் ஷ, ஜீ.எல். பீரிஸ் மற்றும் முஸ்லிம் காங்கிரஸின் தலைவரும் அமைச்சருமான ரவூப் ஹக்கீம், தமிழ்த் தேசியக் கூட்டமைப்பின் தலைவர் இரா. சம்பந்தன் உள்ளிட்ட குழுவினரையும் இவர்கள் இருவரும் சந்தித்து பேசியுள்ளனர். ஐ.நா. மனித உரிமை ஆணைக்குழுவின் விசாரணைக்கு ஒத்துழைக்க வேண்டியதன் அவசியம் குறித்து இவர்கள் வலியுறுத்தியிருக்கின்றனர்.

அமெரிக்க இராஜாங்கத் திணைக்களத்தின் தெற்காசிய விவகாரங்களுக்கான பிரதி உதவி செயலாளர் அத்துல் கேசாபியை சந்தித்த தமிழ்த் தேசியக் கூட்டமைப்பினர் ஐ.நா. மனித உரிமை பேரவையின் விசாரணைக்குழு முன் சாட்சியமளிப்பவர்களின் பாதுகாப்பை உறுதிப்படுத்த வேண்டும் என்று கோரிக்கை முன்வைத்துள்ளனர்.

ஐக்கிய நாடுகள் அமைப்பின் அரசியல் விவகாரங்களுக்கான உதவிச் செயலாளர் ஒஸ்கார் பெர்டினேட்ஸ் டெரொன்கோ அவர்கள் பொருளாதார அபிவிருத்தி அமைச்சர் பஷில் ராஜபக்ஷ அவர்களை ஜூன் 20 ஆம் திகதி பொருளாதார அபிவிருத்தி அமைச்சில் சந்தித்து பேச்சுவார்த்தை நடத்தியபோது,

இதேபோல், ஐ.நா.வின் அரசியல் விவகாரங்களுக்கான உதவிச் செயலாளர் ஒஸ்கார் பெர்னாண்டஸை இருதினங்கள் சந்தித்து பேசிய கூட்டமைப்பினர் விசாரணைக்குழு முன் சாட்சியமளிப்பவர்களின் பாதுகாப்பு உறுதிப்படுத்தப்படவேண்டுமென்றும் இரகசியத் தன்மை பேணப்பட வேண்டியதன் அவசியம் குறித்தும் வலியுறுத்தியிருக்கின்றனர்.

இந்தச் சந்திப்பில் கருத்துத் தெரிவித்த ஐ.நா.வின் உதவிச் செயலாளர், சர்வதேச விசாரணைக்குழு விடயத்தில் நாட்டின் எதிர்காலத்தை கருத்தில்கொண்டு அரசாங்கம் பொறுப்புக்கூறலில் இருந்து விலகாது நடந்துகொள்ள வேண்டும். அதுவே நாட்டின் எதிர்காலத்துக்கு நன்மை பயக்கும் என்று கூறியுள்ளார்.

இதேபோல் ஐ.நா.வின் உதவிச்செயலாளர் முஸ்லிம் காங்கிரஸின் தலைவரும் நீதியமைச்சருமான ரவூப் ஹக்கீமை சந்தித்து பேசியபோது அளுத்கமை மற்றும் தர்காநகர், பேருவளை பகுதிகளில் இடம்பெற்ற வன்முறைகள் குறித்து சுட்டிக்காட்டிய அமைச்சர் ஐ.நா. விசாரணை விவகாரத்தில் உள்ளக விசாரணை செயற்பாடு போதுமானது என்ற அரசாங்கத்தின் நிலைப்பாட்டை எடுத்துக்கூறியதுடன் இதுகுறித்த பாராளுமன்ற பிரேரணைக்கு வாக்களிக்காமல் விட்டதன்மூலம் கட்சி என்ற அடிப்படையில் சர்வதேச விசாரணை விடயத்தில் நடுநிலை பேணுவதாகவும் தெரிவித்திருக்கின்றார்.

இலங்கை வந்திருந்த இரண்டு பிரதிநிதிகளும் அரசாங்க தரப்பில் அமைச்சர்களான ஜீ.எல். பீரிஸ் மற்றும் பஷில் ராஜபக் ஷ ஆகியோரை சந்தித்து பேசியபோது அவர்கள் இருவரும் அரசாங்கத்தின் நிலைப்பாட்டை எடுத்துக் கூறியிருக்கின்றனர். ஐ.நா.வின் விசாரணைக்குழு முன்னிலையில் சாட்சியமளிப்பவர்கள் தொடர்பில் அரசாங்கத்துக்குள்ளேயே இருவேறான நிலைப்பாடுகள் இருக்கின்றமை அமைச்சர்களின் கருத்துக்களில் இருந்து புலனாகின்றது.

இந்த விசாரணைக்குழு முன் சாட்சியம் அளிப்பவர்கள் மீது கடுமையான நடவடிக்கை எடுக்கப்படும் என்று அமைச்சரவையின் பேச்சாளரும் அமைச்சருமான கெஹெலிய ரம்புக்வெல தெரிவித்திருந்தார். அமைச்சரின் இந்தக் கூற்றானது பெரும் சர்ச்சையை ஏற்படுத்தியிருந்தது. ஐ.நா. மற்றும் அமெரிக்க பிரதிநிதிகளுடனான சந்திப்பின்போது இந்த விடயம் குறித்தும் கூட்டமைப்பு சுட்டிக்காட்டியுள்ளது.

இந்தநிலையில், அரசாங்கத்தில் அங்கம் வகிக்கும் அமைச்சர் வாசுதேவ நாணயக்கார, மக்களின் சாட்சியமளிக்கும் உரிமையை அரசாங்கத்தால் பறிக்கமுடியாது. அவ்வாறு செய்யமுனைவது அடிப்படை உரிமை மீறலாகும். ஐ.நா. விசாரணைக்குழுவோ அல்லது எந்தவொரு விசாரணைக்குழு முன்னோ சாட்சியமளிக்க விரும்புவோர் சாட்சியமளிக்க முடியும். தாம் கண்ணால் கண்ட விடயத்தை சாட்சியமாக வழங்குவதற்கு ஒவ்வொரு மனிதனுக்கும் உரிமை உண்டு.

அதனை அரசாங்கமோ அல்லது வேறு எவரோ தட்டிப்பறிக்க முனைவார்களானால் அது அடிப்படை மனித உரிமை மீறலாகும். இதனை ஏற்க முடியாது என்றும் தெரிவித்துள்ளார். ஐ.நா. விசாரணைக்குழு முன் சாட்சியம் அளிக்க முன்வருபவர்களை தடுத்துநிறுத்தும் வகையிலேயே அரசாங்கத்தின் செயற்பாடுகள் அமைந்துள்ளன. இந்த விசாரணைக்குழு விசாரணை நடத்தக்கூடாது எனக் கோரும் பிரேரணை ஒன்றினையும் ஆளும் தரப்பினர் கடந்த வாரம் பாராளுமன்றத்தில் கொண்டுவந்து நிறைவேற்றியிருந்தனர்.

இந்த விவாதத்தின்போதும் ஐ.நா. விசாரணைக்குழு முன் சாட்சியமளிப்பவர்கள் தொடர்பில் பல்வேறு விதமான கருத்துக்களை அரசாங்க மற்றும் எதிர்க்கட்சித் தரப்பினர் தெரிவித்திருந்தனர். ஐ.நா. விசாரணைக்குழு நியமிக்கப்பட்டமைக்கான முழுப் பொறுப்பையும் அரசாங்கமே ஏற்கவேண்டும் என்று ஐக்கிய தேசியக் கட்சி மற்றும் ஜே.வி.பி. ஆகிய கட்சிகள் குற்றம் சாட்டியிருந்தன.

2009ஆம் ஆண்டு யுத்தம் முடிவுக்குக் கொண்டுவரப்பட்டதன் பின்னர் ஐ.நா. செயலாளர் நாயகம் பான் கீ மூனுடன் ஜனாதிபதி மஹிந்த ராஜபக் ஷ ஏற்படுத்திக்கொண்ட இணக்கப்பாடே ஐ.நா. விசாரணைக்கு வழிவகுத்துள்ளது என்று எதிர்க்கட்சித் தலைவர் ரணில் விக்கிரமசிங்க உட்பட எதிர்க்கட்சியினர் குற்றம் சாட்டி வருகின்றனர். இந்த நிலையில், ஐ.நா. விசாரணைக்குழு தொடர்பில் அரசாங்கமானது தீர்க்கமான முடிவொன்றுக்கு வரவேண்டிய நிலை காணப்படுகின்றது.

இந்தத் தீர்மானமானது நாட்டின் எதிர்காலத்தை கருத்தில்கொண்டு எடுக்கப்பட வேண்டியது அவசியம் என்பதை வலியுறுத்த விரும்புகின்றோம். அவருடைய அறிக்கை கூட கொழும்பின் அரசியல் பீடத்தை மிரட்டும்பாணியில் அமைந்துள்ளது. அவர் தனது அறிக்கையில் அமெரிக்காவுக்கு எதிரானதாகவும் அமெரிக்காவின் மிரட்டலுக்கு பணியாத நாடுகளாகவும் அமெரிக்காவால் பொருளாதாரத்தடைகள் விதிக்கப்பட்ட நாடுகளின் பட்டியலில் இலங்கை சேரப்போகின்றதா என்றவாறாக அறிக்கை வெளியிட்டிருக்கிறார்.

அமெரிக்காவின் இத்தகைய அறிவிப்பானது கொழும்பு அரசியல் மட்டங்களில் பாரிய அச்சத்தை தோற்றுவிக்கும் என்பதில் ஐயமில்லை கொழும்பை வந்தடைந்த இந்த உயர் அதிகாரிகள் மகிந்தவை நேரில் சந்தித்ததாக செய்திகள் வெளிவராத போதும் மகிந்தரின் சகோதரரும் பொருளாதார அபிவிருத்தி அமைச்சருமான பசில் ராஜபக்சே, கோத்தபாய ராஜபக்சே, த.தே.கூட்டமைப்பு பிரதிநிதிகள் மற்றும் மனிதஉரிமை ஆர்வலர்களையும் சந்தித்து கலந்துரையாடியுள்ளனர்.

இதேவேளை கொழும்பை வந்தடைந்த சுவிஸ் நாட்டின் தூதுவர் இன்று யாழ்ப்பாணம் வந்தடைவார் என எதிர்பபார்க்கப்படுகின்றது. யாழ்ப்பாணம் வந்தடையும் அவர் ஆளுனரை சந்தித்தபின் மாலை 2.00 மணியளவில் முதலமைச்சர் சீ.வி.விக்கினேஸ்வரனையும் சந்தித்து அண்மைய நிலவரம் தொடர்பில் ஆராயவுள்ளார்.

அமெரிக்காவின் தெற்காசிய பிராந்திய பிரதி உதவிச் செயலாளர் அட்டுல் கிசேப் அவர்கள் பொருளாதார அபிவிருத்தி அமைச்சர் பஷில் ராஜபக்ஷ அவர்களை ஜூன் மாதம் 20 ஆம் திகதி சந்தித்து கலந்துரையாடியபோது