.jpg)
சிறிலங்கா கடற்படையினரால் தலை மன்னார் கடற்பரப்பில் கைது செய்யப்பட்ட 29 தமிழ்நாட்டு மீனவர்களையும் உடனடியாக விடுதலை செய்யுமாறு, சிறிலங்கா அதிபர் மகிந்த ராஜபக்ச உத்தரவிட்டுள்ளார்.
எல்லை தாண்டி மீன்பிடித்ததாக, ஆறு படகுகளுடன், இந்த மீனவர்கள் சிறிலங்கா கடற்படையினரால் பிடிக்கப்பட்டு, கடற்றொழில் திணைக்கள அதிகாரிகளிடம் ஒப்படைக்கப்பட்டிருந்தனர்.
இவர்களை 15ஆம் திகதிவரை விளக்கமறியலில் வைக்குமாறு இலங்கை நீதிமன்றம் உத்தரவு பிறப்பித்திருந்த நிலையில் மகிந்த இந்த அறிவிப்பை வெளியிட்டுள்ளார். இது தொடர்பில் தமிழ்நாடு முதல்வர் ஜெயலலிதா, இந்தியப் பிரதமர் நரேந்திர மோடிக்கு எழுதிய கடிதத்தில், மீனவர்களை விடுவிக்க நடவடிக்கை எடுக்குமாறும், மீனவர்கள் விவகாரத்தில், கடுமையானதும் உறுதியானதுமான நடவடிக்கை எடுக்குமாறும் வலியுறுத்தியிருந்தார்.
இந்த நிலையிலேயே னைது செய்யப்பட்ட தமிழ்நாட்டு மீனவர்களை நல்லெண்ண அடிப்படையில் விடுவிக்க சிறிலங்கா அதிபர் உத்தரவிட்டுள்ளார்.
தமிழ்நாடு முதல்வர் ஜெயலலிதா இன்று, புதுடெல்லியில் இந்தியப் பிரதமர் நரேந்திர மோடியைச் சந்தித்துப் பேசவுள்ளார்.
இதன்போது, அவர் கச்சதீவு விவகாரம், மீனவர் பிரச்சினை, குறித்தும் இந்தியப் பிரதமரிடம் வலியுறுத்துவார் என்று கருதப்படுகிறது.
இந்த சந்திப்பு நிகழவுள்ள நிலையிலேயே, மீனவர்களை விடுவிக்க சிறிலங்கா அதிபர் உத்தரவிட்டுள்ளார்.
.jpg)
.jpg & description= மோடி – ஜெயலலிதா இன்று சந்திப்பு - அஞ்சும் மகிந்த - மீனவர்களை விடுவிக்க உத்தரவு){kind=link}