பல சர்ச்சைகளை உண்டாக்கிய பிரவீன்காந்தியின்
‘‘புலிப்பார்வை‘‘ திரைப்படம் பல மூடு மறைப்புக்களோடு நாளை வெளியாகவுள்ளதாக தகவல்கள் வெளியாகியுள்ளது.
மேற்படி திரைப்படத்தில் பச்சிளம் பாலகன் பாலச்சந்திரனை கைத்துப்பாக்கியோடும்,வரிச்சீருடையுடனும் காண்பித்து படமாக்கிய காரணத்தினால் பலதரப்பிலிருந்தும் எழுந்த கண்டனங்கள் ஆர்ப்பாட்டங்களை தொடர்ந்து படத்தில் குறித்த பகுதிகளில் மாற்றங்களை செய்வதாக படக்குழு உத்தரவாதம் வழங்கியிருந்த நிலையில் அதில் மாற்றங்களை செய்து நாளை ‘‘புலிப்பார்வை‘‘ திரைப்படம் திரைக்கு வரவிருப்பதாக அறிவிக்கப்பட்டுள்ளது.
படத்தில் பலகாட்சிகளை முன்னரே படமாக்கிய காரணத்தினால் வரியுடன் பாலச்சந்திரன் தோன்றும் பல பகுதிகளுக்கு உடைக்கு வெள்ளைநிற மாற்றம் மட்டும் கணனிமூலமே மாற்றப்பட்டுள்ளது. காட்சிகளில் தோன்றும் புலிக்கொடிகளும் சிவப்பு நிறத்தால் மறைக்கப்பட்டுள்ளதை காணலாம்.
அத்தோடு ஒரு பாடல் காட்சியில் பாலச்சந்திரனை வரியுடனும் கைத்துப்பாக்கியோடும் காண்பிக்கப்பட்டுள்ளது. அதற்கான ஆதாரத்தை படக்குழுவினரே இன்று வெளியிட்டுள்ளனர் அந்த பாடல் காட்சி அவர்களால் இன்று தரவேற்றப்பட்டுள்ளது. எது எப்படியோ கதை காட்சிகள் ஈழத்தமிழர் போராட்டத்தை காத்திரமான முறையில் வெளிக்கொண்டுவருமா? என்பதை பொறுத்திருந்துதான் பார்க்க வேண்டும்.
முன்னைய பதிவுகள்
