கால்பந்து போட்டியில் நேற்று இடம்பெற்ற முதல் இரண்டு ஆட்டங்களில் அர்ஜெண்டினா அணியும், போஸ்னியா ஹெர்சகோவினா அணியும் வெற்றி பெற்றுள்ளன.
அர்ஜெண்டினா அணி நைஜீரியவை 3:2 எனும் கணக்கில் வென்றது. எனினும் நைஜீரியாவும் அடுத்த சுற்றுக்கு முன்னேறியுள்ளது. போஸ்னியா ஹெர்சகோவினா, இரானை 3-1 எனும் கோல் கணக்கில் வென்றிருந்தாலும், அடுத்த சுற்றுக்கு முன்னேற முடியாது. இந்தப் போட்டிகள் ‘எப்’ பிரிவில் நடைபெற்றன.
இந்தப் பிரிவில் முதல் இரண்டு இடங்களை அர்ஜெண்டினாவும், நைஜீரியாவும் பெற்றுள்ளன. அர்ஜெண்டினா இதுவரை ஆடியுள்ள மூன்று போட்டிகளிலும் வென்றதன் மூலம் 9 புள்ளிகளுடன் முதலிடத்திலுள்ளது. நைஜீரிய அணி ஒரு வெற்றி, ஒரு தோல்வி ஆகியவற்றுடன் இரானுக்கு எதிரான போட்டி சமநிலையில் முடிந்ததாலும், 4 புள்ளிகளை பெற்றுள்ளது.
இரானை வென்றதன் மூலம் 3 புள்ளிகளைப் பெறும் போஸ்னியா ஹெர்சகோவினா மூன்றாம் இடத்திலும், இரான் ஒரு புள்ளியுடன் கடைசி இடத்தில் உள்ளன.
