ஒட்டுசுட்டான்- கொக்கிளாய்- கொக்குத்தொடுவாய் ஆகிய பிரதேசங்களுக்குச் சென்ற வட மாகாண முதலமைச்சர் மக்களின் பிரச்சினைகளை நேரடியாகக் கேட்டறிந்தார்.
ஒட்டுசுட்டான் பகுதியில் பாவட்டிமலை பகுதியில் மூன்று இடங்களில் பாரிய அளவில் கருங்கல் தோண்டுதலும்- மணல் அகழ்தலும் இடம்பெற்று வருவதனால்- இங்கு கற்களை உடைப்பதற்காகப் பயன்படுத்தப்படுகின்ற வெடிகளினால் ஏற்படும் நில அதிர்வு காரணமாக அயலில் உள்ள கிராமங்களின் வீட்டுச் சுவர்கள் வெடிப்பேற்பட்டு வீடுகள் பாதிக்கப்பட்டுள்ளதுடன் சுற்றுச்சூழல் பாதிப்பு எற்பட்டிருப்பதாகப் பொதுமக்கள் முறையிட்டிருந்தனர்.
இந்த இடங்களைப் பார்வையிட்ட முதலமைச்சரிடம் சம்பந்தப்பட்ட துறைசார்ந்த அதிகாரிகள் பலரும்- இங்குள்ள நிலைமைகள் குறித்து விளக்கமளித்தனர். எனினும் முறையான நிர்வாக நடவடிக்கைகளுக்கு மாறாக அரசியல் செல்வாக்கின் மூலம் இங்கு காரியங்கள் நடைபெறுவதாக முதலமைச்சருக்கு சுட்டிக்காட்டப்பட்டது.
ஒட்டுசுட்டான் மற்றும் கொக்குத்தொடுவாய்- கொக்கிளாய் ஆகிய பகுதிகளில் கல்வி மற்றும் சுகாதாரத்துறையின் மாகாண அமைச்சர்கள்- மாகாண சபை உறுப்பினர்கள் சகிதம் முதலமைச்சர் பொதுமக்களின் பிரச்சினைகளைக் கேட்டறிந்தார். மாகாண சபையைக் கொண்டு நடத்துவதில் பல முட்டுக்கட்டைகள் எற்பட்டிருப்பதைச் சுட்டிக்காட்டி- இருப்பினும் அவர்களின் பிரச்சினைகளுக்கு முடிந்த அளவில் விரைவாக தீர்வு காணப்படும் என முதலமைச்சர் உறுதியளித்தார்.
ஒட்டுசுட்டான் மற்றும் கொக்குத்தொடுவாய்- கொக்கிளாய் ஆகிய பகுதிகளில் கல்வி மற்றும் சுகாதாரத்துறையின் மாகாண அமைச்சர்கள்- மாகாண சபை உறுப்பினர்கள் சகிதம் முதலமைச்சர் பொதுமக்களின் பிரச்சினைகளைக் கேட்டறிந்தார். மாகாண சபையைக் கொண்டு நடத்துவதில் பல முட்டுக்கட்டைகள் எற்பட்டிருப்பதைச் சுட்டிக்காட்டி- இருப்பினும் அவர்களின் பிரச்சினைகளுக்கு முடிந்த அளவில் விரைவாக தீர்வு காணப்படும் என முதலமைச்சர் உறுதியளித்தார்.
மீள்குடியேற்றத்திற்கான காணிகள் இல்லாதிருப்பது- பொதுமக்களின் காணிகள் இராணுவத்தினரால் கைப்பற்றப்பட்டிருப்பது- இந்து ஆலயங்கள் அமைந்துள்ள இடங்களில் அடாவடியாக புத்தர் சிலைகள் அமைக்கப்பட்டிருப்பது- இந்திய வீட்டுத்திட்டத்தில் பாதிக்கப்பட்ட மக்களுக்கு வீடுகள் கிடைக்காதிருப்பது- விவசாய நடவடிக்கைகளில் எற்பட்டுள்ள பிரச்சினைகள்- குடிநீர் இல்லாமை- தமிழர்களுக்குச் சொந்தமான மீன்பிடிக்கும் இடங்களில் பெரும்பான்மை இன மக்கள் நாயாறு கொக்கிளாய் கொக்குத்தொடுவாய் ஆகிய இடங்களில் ஆக்கிரமித்திருப்பது உள்ளிட்ட பல பிரச்சினைகள் முதலமைச்சரிடம் எடுத்தக் கூறப்பட்டன.
கொக்கிளாய் கொக்குத்தொடுவாய் பகுதி மக்கள் தமது வாழ்வாதாரத்துக்கான தமது கடலையும்- தமது விவசாய நிலங்களையும் மீளப்பெற்றுத் தருமாறு கண்ணீருடன் கைகூப்பி முதலமைச்சரிடம் கோரிக்கை விடுத்தனர். அனைவரது பிரச்சினைகளையும் செவிமெடுத்த வட மாகாண முதலமைச்சர் சி.வி.விக்னேஸ்வரன் அவற்றுக்கு விரைவில் தீர்வு காண நடவடிக்கை எடுக்கப்படும் என தெரிவித்தார்.
.jpg)
){kind=link}